1

പാ​താ​ള​ത്തി​ൽ പോ​കാ​ൻ നി​ങ്ങ​ൾ​ക്കു ധൈ​ര്യ​മു​ണ്ടോ..? കൊ​ച്ചി​യി​ലെ പാ​താ​ള​മ​ല്ല കോ​ട്ടോ, ഭൂ​മി​ക്ക​ടി​യി​ല്‍ ഏ​ക​ദേ​ശം 3,000 അ​ടി താ​ഴ്ച​യി​ല്‍ സ്ഥി​തി ചെ​യ്യു​ന്ന ഒ​രു ഗ്രാ​മ​ത്തി​ലേ​ക്കാ​ണു ക്ഷ​ണി​ക്കു​ന്ന​ത്. ആ ​അ​പൂ​ര്‍​വ ഗ്രാ​മ​ത്തി​ന്‍റെ പേ​ര് 'പാ​താ​ള്‍​കോ​ട്ട്' എ​ന്നാ​ണ്, സ്ഥി​തി ചെ​യ്യു​ന്ന​ത് മ​ധ്യ​പ്ര​ദേ​ശി​ല്‍. ചി​ന്ത്വാ​ര​യി​ല്‍നി​ന്ന് 78 കിലോമീറ്റർ അ​ക​ലെയായി സ്ഥി​തിചെ​യ്യു​ന്ന ഒ​രു​പാ​ടു പ്ര​ത്യേ​ക​ത​ക​ളു​ള്ള താ​ഴ്വ​ര​യാ​ണി​ത്. വ​ര്‍​ഷ​ങ്ങ​ള്‍​ക്കു മു​മ്പു​വ​രെ ഈ ​പ്ര​ദേ​ശ​ത്തി​നു പു​റം​ലോ​ക​വു​മാ​യി ബ​ന്ധ​വു​മു​ണ്ടാ​യി​രു​ന്നി​ല്ല. ആ​രെ​യും അ​ത്ഭു​ത​പ്പെ​ടു​ത്തു​ന്ന രീ​തി​യി​ല്‍ ഒ​റ്റ​പ്പെ​ട്ടു കി​ട​ന്ന ഒ​രു ഭൂ​പ്ര​ദേ​ശമായിരുന്നു. അതുകൊണ്ടുതന്നെ ആ ഗ്രാമത്തെക്കുറിച്ചു നിരവധി കഥകളും പരന്നിരുന്നു.

വി​വി​ധ​ങ്ങ​ളാ​യ ആ​ചാ​ര​ങ്ങ​ളും അ​നു​ഷ്ഠാ​ന​ങ്ങ​ളു​മെ​ല്ലാമുള്ള ഗോ​ത്ര​വി​ഭാ​ഗ​ക്കാ​രാ​ണ് ഇ​വി​ടെ താ​മസം. ഏകദേശം 21-ാളം ഗ്രാ​മ​ങ്ങ​ൾ പാ​താ​ള്‍​കോ​ട്ടി​ലു​ണ്ട്. എ​ന്നാ​ല്‍, 12 ഗ്രാ​മ​ങ്ങ​ളി​ല്‍ മാ​ത്ര​മാ​ണ് താ​മ​സ​ക്കാ​രു​ള്ള​ത്. 79 ചതുരശ്ര ​കിലോമീറ്റർ വി​സ്തീ​ര്‍​ണ​മു​ള്ള പാ​താ​ള്‍​കോ​ട്ട് ജൈ​വ​വൈ​വി​ധ്യ​ങ്ങ​ളാ​ല്‍ സ​മ്പ​ന്ന​മാ​ണ്. ബാ​രി​യ, ഗോ​ണ്ട് തു​ട​ങ്ങി​യ ഗോ​ത്ര വി​ഭാ​ഗ​ക്കാ​രാ​ണ് ഇ​വി​ടെ​യു​ള്ള​ത്. പ്രാ​ദേ​ശി​ക​മാ​യ നി​ര​വ​ധി വി​ശ്വാ​സ​ങ്ങ​ള്‍ ഇ​വി​ടെ നി​ല​നി​ല്‍​ക്കു​ന്നു. അ​തി​ലേ​റെ ആ​രെ​യും അ​മ്പ​രി​പ്പി​ക്കു​ന്ന നി​ഗൂ​ഢ​ത​ക​ളും. മു​ഴു​വ​ന്‍ സ​മ​യ​വും ഇ​രു​ണ്ടു​മൂ​ടി​ക്കി​ട​ക്കു​ന്ന ഒ​രു പ്ര​ദേ​ശം. വ​ര്‍​ഷ​ങ്ങ​ള്‍​ക്കു മുമ്പു പു​റ​ത്തു​നി​ന്ന് ആ​രും ഇ​ങ്ങോ​ട്ടേ​ക്കു വ​രാ​റു​പോ​ലു​മു​ണ്ടാ​യി​രു​ന്നി​ല്ല. പാ​താ​ള്‍​കോ​ട്ട് സ​ന്ദ​ര്‍​ശ​നം മ​റ​ക്കാ​നാ​കാ​ത്ത അ​നു​ഭ​വ​മാ​ണെ​ന്ന് സ​ഞ്ചാ​രി​ക​ള്‍ സാ​ക്ഷ്യ​പ്പെ​ടു​ത്താ​റു​ണ്ട്.